కథా నాయకుడు, డార్లింగ్, నాన్న చిత్రాల మ్యూజిక్ డైరెక్టర్ జి.వి.ప్రకాష్ కుమార్ త్వరలో ఒక ఇంటి వాడు కాబోతున్నాడు. అతను గాయని సైంధవిని పెళ్లి చేసుకోబోతున్నాడు. సైంధవి అపరిచితుడు, ఆవకాయ్ బిర్యాని, అవారా, నాన్న వంటి పలు చిత్రాల్లో పాటలు పాడింది. సైంధవి తొమ్మిది సంవత్సరాలుగా ప్రకాష్ కుమార్ ట్రూపులో పాడుతూ వస్తుంది. కొద్ది రోజుల్లోనే వీరు మంచి స్నేహితులయ్యారు. ఆ తరువాత కొద్దిరోజుల్లోనే ప్రేమలో పడ్డారు. ఇటీవలే వీరి ప్రేమకు పెద్దల నుండి అంగీకారం లబించినట్లు తెలిసింది. వచ్చే ఏడాది వీరు పెళ్లి చేసుకోనున్నారు. ప్రకాష్ కుమార్ ఎవరో కాదు ప్రముఖ సంగీత దర్శకుడు ఆస్కార్ విజేత ఎ.ఆర్.రెహమాన్ గారికి స్వయానా మేనల్లుడు.