తేజ దర్శకత్వంలో వెంకటేష్ నటించబోయే సినిమాలో ఇషా రెబ్బ సెకండ్ హీరోయిన్ గా నటించబోతోందని వార్తలు వచ్చాయి. చాలా ఇంటర్వ్యూ ల్లో ఇషా తను వెంకటేష్ సినిమాలో నారా రోహిత్ కు జోడిగా నటించబోతున్నానని వెల్లడించింది. తాజా సమాచారం మేరకు ఇషా ఈ పాత్ర చెయ్యట్లేదని తెలుస్తోంది. ఆ పాత్రలు ఆమె కంటే వేరే నటి అయితే బాగుంటుందని చిత్ర యూనిట్ భావిస్తున్నట్లు సమాచారం.
ఈ సినిమాలో నటించే ఇతర హీరోయిన్ ఎవరనేది త్వరలో తెలియనుంది. సురేష్ బాబు, అనిల్ సుంకర సంయుక్తంగా నిర్మించబోతున్న ఈ సినిమాకు అనుప్ రూబెన్స్ సంగీతం అందిస్తుండగా లక్ష్మి భూపాల మాటలు రాస్తున్నారు. యాక్షన్ ఎంటర్టైనర్ గా తెరకేక్కబోతున్న ఈ సినిమా లో వెంకటేష్ ప్రొఫెసర్ పాత్రలో కనిపించబోతున్నాడు. వచ్చే వారం నుండి ఈ సినిమా రెగ్యులర్ షూటింగ్ మొదలు కాబోతోంది.