దాదాపుగా మూడు సంవత్సరాల విరామం తరువాత కోడి రామ కృష్ణ తిరిగి తెలుగులో చిత్రం చెయ్యనున్నారు. ఇన్నిరోజులు కన్నడంలో అయన మొదటి చిత్రం కోసం పని చేస్తున్నారని చాలామందికి తెలిసిన విషయమే. తెలుగులో “అరుంధతి” చిత్రానికి దర్శకత్వం వహించిన ఈ దర్శకుడు తరువాత కొద్దిరోజులు పుట్టపర్తి సాయిబాబా జీవితం మీద పరిశోధన చేశారు కాని ఆ చిత్రం మొదలు కాలేదు. ప్రస్తుతం ఆయన ఒక బహుభాషా చిత్రాన్ని చెయ్యాలని ఆలోచనలో ఉన్నారు. ఈ చిత్రం దక్షణ భారతదేశంలోని నాలుగు భాషలలోనూ తెరకెక్కనుంది. ఈ చిత్రం ఒక జంట మరియు వాళ్ళ పిల్లాడి మధ్య సాగే చిత్రంగా ఉండనుంది. ఇప్పటికే ఈ చిత్రంలో పాత్రల కోసం ఆయన లక్ష్మి రాయి, సోను సూద్ మరియు అర్జున్ సర్జలను ఎంపిక చేసుకున్నారు. సోను సూద్ ఈ చిత్రంలో కీలక పాత్ర పోషించనున్నారు. ఈ చిత్రం గురించిన మరిన్ని విశేషాలు త్వరలో వెల్లడిస్తారు. ఈ చిత్రాన్ని కనుక నాలుగు భాషల్లో విడుదల చెయ్యగలిగితే ఇలా చెయ్యగలిగిన మొదటి తెలుగు దర్శకుడు అవుతారు.