బన్నీ ఈసారి సంక్రాంతి బరిలో అలవైకుంఠపురంలో మూవీతో దిగుతున్నాడు. త్రివిక్రమ్ దర్శకత్వంలో తెరకెక్కుతున్న ఈ చిత్రంపై భారీ అంచనాలున్నాయి. గతంలో వీరిద్దరి కాంబినేషన్ లో వచ్చిన రెండు చిత్రాలు హిట్ కావంతో హ్యాట్రిక్ మూవీ భారీ హిట్ కొడుతుందని ఫ్యాన్స్ భావిస్తున్నారు. బన్నీ గత చిత్రం నాపేరు సూర్య నా ఇల్లు ఇండియా నిరాశపరిచిన నేపథ్యంలో ఆచితూచి ఈ సినిమా ఎంపిక చేసుకున్నారు. కాగా విడుదలకు తేదీ దగ్గరపడుతున్న తరుణంలో చిత్ర యూనిట్ పోస్ట్ ప్రొడక్షన్ కార్యక్రమాలు పూర్తి చేసేపనిలో ఉన్నారు.
బన్నీ అలవైకుంఠపురంలో కొరకు డబ్బింగ్ చెవుతున్నారు. అలాగే ఈ మూవీలో ఓ కీలక రోల్ చేస్తున్న సుశాంత్ కూడా డబ్బింగ్ లో పాల్గొంటున్నారు. మురళి శర్మ, హీరోయిన్ పూజా హెగ్డే ఇప్పటికే ఈ చిత్ర డబ్బింగ్ పూర్తి చేసినట్టు సమాచారం. కాగా నేడు ఈ మూవీ నుండి ‘బుట్ట బొమ్మ’ సాంగ్ టీజర్ విడుదల చేశారు. పూర్తి సాంగ్ ని ఈనెల 24న విడుదల చేయనున్నారు. హారిక అండ్ హాసిని క్రియేషన్స్ మరియు గీతా ఆర్ట్స్ సంయుక్తంగా నిర్మిస్తుండగా థమన్ సంగీతం అందించారు.