మలయాళ బ్యూటీ నివేదా థామస్ దర్బార్ చిత్రంలో ఓ కీలక రోల్ చేస్తున్నారు. ఆమె ఈ చిత్రంలో రజిని కాంత్ కూతురుగా కనిపించనున్నారు. కథలో కీలకమైన ఈ రోల్ పై ఒక ఆసక్తికర ప్రచారం జరుగుతుంది. నివేదా ఈ చిత్రంలో కొందరు యువకుల చేతిలో మానభంగానికి గురవుతుందట. ఆ ఘటనలో ఆమె ప్రాణాలు కోల్పోవడంతో రజిని పోలీస్ అధికారిగా వారిపై పగ తీర్చుకుంటాడట. నివేదా పై వచ్చే సన్నివేశాలు చాలా హృద్యంగా , కలచివేసేవిగా ఉంటాయని ఇండస్ట్రీలో వినిపిస్తున్న పుకార్లు. మరి ఈ వాదనలలో నిజం ఎంతుందో తెలియదు కానీ..సినిమాపై ఆసక్తిని రేపుతున్నాయి.
ఇక సంక్రాంతి బరిలో మొదటి చిత్రంగా దర్బార్ రేపు 9న విడుదల అవుతుంది. లైకా ప్రొడక్షన్స్ బ్యానర్ లో స్టార్ డైరెక్టర్ మురుగదాస్ ఈ చిత్రాన్ని తెరకెక్కించారు. ఈ చిత్రంలో రజినీకి హీరోయిన్ గా నయనతార నటిస్తుండగా..యంగ్ సెన్సేషన్ అనిరుధ్ మ్యూజిక్ అందించారు. ఇప్పటికే విడుదలైన ట్రైలర్ సూపర్ సక్సెస్ కావంతో మూవీపై అంచనాలు భారీగా ఉన్నాయి. చెన్నైలో రికార్డ్ అడ్వాన్స్ బుకింగ్స్ దర్బార్ నమోదు చేసింది.