కామెడీ కింగ్ అల్లరి నరేష్ నటిస్తున్నభారీ బడ్జెట్ ఎంటర్టైనర్ ‘యాక్షన్ 3డి’ సినిమా షూటింగ్ ముగిసింది. కేవలం బ్రహ్మానందం పై కొన్ని సన్నివేశాలను మాత్రమే చిత్రికరించాల్సి ఉంది. దీనిని సగంరోజులో తీయవచ్చు. ఈ సినిమాలో వైభవ్, శ్యాం, రాజు సుందరం, అల్లరి నరేష్ లతో పాటు కామ్న జఠ్మలాని, నీలం ఉపాధ్యాయ్, స్నేహ ఉల్లాల్ లు ప్రధాన పాత్రల్లో నటించారు. ‘దూకుడు’ నిర్మాత అనిల్ సుంకర ఈ సినిమాను నిర్మిస్తూ, దర్శకత్వం వహిస్తున్నాడు. ‘ఈగ’ ఫేం సుదీప్ ఈ సినిమాలో అతిధి పాత్రలో కనిపించనున్నాడు. ఈ సినిమాకి బప్పి లహరీ గారి కుమారుడు బప్పా లహరీ సంగీతాన్ని అందిస్తున్నాడు. ఈ సినిమా ఏప్రిల్ లో విడుదల కానుంది.