ముఖ్య అంశాలు (KEY TAKEAWAYS)
- రణ్వీర్ సింగ్ నటించిన ‘ధురంధర్ 2’ హిందీ వెర్షన్ హైదరాబాద్, ఏపీ సహా దేశవ్యాప్తంగా విడుదలై బ్లాక్బస్టర్ టాక్ తెచ్చుకుంది.
- తెలుగు వెర్షన్ షోలు నిన్న రాత్రి నుంచే పడాల్సి ఉన్నా.. ఇంకా క్లారిటీ రాకపోవడంతో ప్రేక్షకులు తీవ్ర నిరాశకు గురవుతున్నారు.
- రేపటి షోలకు బుకింగ్స్ ఓపెన్ అయినా అవి కన్ఫర్మ్ అవుతాయో లేదోనన్న అయోమయం నెలకొంది. మేకర్స్ నుంచి అఫీషియల్ అప్డేట్ రావాల్సి ఉంది.
రణ్వీర్ సింగ్, ఆదిత్య ధర్ క్రేజీ కాంబినేషన్లో వచ్చిన యాక్షన్ థ్రిల్లర్ ‘ధురంధర్ 2’ (Dhurandhar 2) బాక్సాఫీస్ దగ్గర సెన్సేషన్ క్రియేట్ చేస్తోంది. నిన్న (మార్చి 18) సాయంత్రం నుంచే దేశవ్యాప్తంగా హిందీ ప్రీమియర్ షోలు పడ్డాయి. నార్త్ ఇండియాలోనే కాదు.. మన హైదరాబాద్, ఏపీ, తెలంగాణ అంతటా హిందీ వెర్షన్ను భారీగా రిలీజ్ చేశారు. తొలి ఆట నుంచే ఈ సినిమాకు అదిరిపోయే టాక్ వస్తోంది. ఫస్ట్ పార్ట్కు మించిన యాక్షన్, రణ్వీర్ సింగ్ పర్ఫార్మెన్స్ ప్రేక్షకులకు పిచ్చెక్కించేస్తున్నాయి. ముఖ్యంగా హైదరాబాద్లోని మల్టీప్లెక్స్లలో కూడా హిందీ వెర్షన్ హౌస్ఫుల్ బోర్డులతో దర్శనమిస్తోంది. కలెక్షన్ల పరంగా బాక్సాఫీస్ దగ్గర మామూలు రచ్చ జరగట్లేదు.
హిందీకి సూపర్ రెస్పాన్స్.. తెలుగు రిలీజ్పైనే టెన్షన్
మన తెలుగు రాష్ట్రాల్లో హిందీ వెర్షన్కు ఇంత పాజిటివ్ వైబ్ కనిపిస్తుంటే.. ప్యూర్ తెలుగు డబ్బింగ్ కోసం ఎదురుచూస్తున్న ఆడియన్స్కు మాత్రం తీవ్ర నిరాశే మిగులుతోంది. నిజానికి నిన్న రాత్రి 9 గంటల షోల నుంచే తెలుగు వెర్షన్ అందుబాటులోకి వస్తుందని మేకర్స్ ముందుగా అనౌన్స్ చేశారు. కానీ ఆ తర్వాత ఎలాంటి అప్డేట్ లేదు, ఎక్కడా తెలుగు షోలు పడలేదు. ఈరోజు (మార్చి 19) కూడా పరిస్థితిలో ఏ మార్పు లేదు. థియేటర్ల దగ్గర సరైన ఇన్ఫర్మేషన్ లేకపోవడంతో ఫ్యాన్స్ అసహనం వ్యక్తం చేస్తున్నారు.
మరోవైపు రేపటి ఆటలకు సంబంధించి కొన్ని చోట్ల ఆన్లైన్ బుకింగ్స్ అయితే ఓపెన్ చేశారు. సినిమా లవర్స్ ఆత్రుతగా టికెట్లు బుక్ చేసుకుంటున్నారు కానీ.. అవి కన్ఫర్మ్ అవుతాయో, లేక మళ్లీ క్యాన్సిల్ చేస్తారో తెలియని అయోమయ పరిస్థితి కొనసాగుతోంది. మన దగ్గరే హిందీ వెర్షన్ బ్లాక్బస్టర్ రేంజ్లో ఆడుతుంటే.. తెలుగు డబ్బింగ్ ఎప్పుడెప్పుడు చూద్దామా అని ఫ్యాన్స్ ఉత్కంఠగా ఎదురుచూడటం సహజం.
ఇలాంటి సమయంలో రిలీజ్ టీమ్ నుంచి సరైన కమ్యూనికేషన్ లేకపోవడం వల్లే ఈ కన్ఫ్యూజన్ అంతా. ఇకనైనా నిర్మాణ సంస్థ స్పందించి తెలుగు రిలీజ్ టైమ్పై ఓ అధికారిక ప్రకటన ఇస్తే బాగుంటుంది. అప్పుడే ఫ్యాన్స్ టెన్షన్ తగ్గుతుంది. ఆ బ్లాక్బస్టర్ ఎక్స్పీరియన్స్ను తెలుగు ఆడియన్స్ కూడా ఎలాంటి ఇబ్బందులు లేకుండా ఎంజాయ్ చేయగలుగుతారు.