మెగా పవర్ స్టార్ రామ్ చరణ్, డైరెక్టర్ బుచ్చిబాబు సానా కాంబినేషన్లో వస్తున్న మోస్ట్ అవైటెడ్ స్పోర్ట్స్ యాక్షన్ డ్రామా ‘పెద్ది’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. ఈ సినిమాలో చరణ్ పెద్ది పెహల్వాన్ పాత్రలో ప్రేక్షకులను థ్రిల్ చేసేందుకు రెడీ అవుతున్నాడు. ఇక ఈ సినిమాలో అందాల భామ జాన్వీ కపూర్ హీరోయిన్గా నటిస్తోంది.
కాగా, ఈ సినిమా నుంచి తాజాగా ఆడియో జూక్బాక్స్ను మేకర్స్ విడుదల చేశారు. ఇందులో ప్రత్యేక ఆకర్షణగా నిలిచిన ‘మస్సా మస్సా’ అనే స్పెషల్ సాంగ్ను కూడా రిలీజ్ చేశారు. ఇటీవలే భోపాల్ ఈవెంట్లో ఏఆర్ రెహమాన్ అండ్ టీమ్ ఈ పాట హిందీ వెర్షన్ను లైవ్లో పర్ఫార్మ్ చేయగా, ఇప్పుడు చిత్రబృందం తెలుగు వెర్షన్ను ప్రేక్షకుల ముందుకు తీసుకొచ్చింది.
అనంత శ్రీరామ్ సాహిత్యం అందించిన ఈ ఎమోషనల్ & సోల్ఫుల్ ట్రాక్ను ప్రముఖ సింగర్ విశాల్ మిశ్రా ఆలపించాడు. వృద్ధి సినిమాస్ బ్యానర్పై వెంకట సతీష్ కిలారు ఈ చిత్రాన్ని నిర్మిస్తుండగా.. మైత్రీ మూవీ మేకర్స్, సుకుమార్ రైటింగ్స్ సమర్పిస్తున్నారు.