రవితేజ కథానాయకుడిగా నటించిన తాజా చిత్రం ‘ఇరుముడి’ బాక్సాఫీస్ వద్ద మంచి వసూళ్లతో దూసుకుపోతోంది. థియేటర్లలోకి వచ్చిన నాటి నుంచి నిలకడైన ఆదరణ దక్కించుకుంటున్న ఈ సినిమా, తాజాగా ప్రపంచవ్యాప్తంగా రూ.150 కోట్ల గ్రాస్ మైలురాయిని అధిగమించింది. ఈ మేరకు నిర్మాణ సంస్థ అధికారికంగా ప్రత్యేక పోస్టర్ను విడుదల చేసింది.
అన్ని కేంద్రాల్లోనూ హౌస్ఫుల్ షోలు
శివ నిర్వాణ దర్శకత్వం వహించిన ఈ చిత్రం మొదటి వారంలో రూ.125 కోట్ల గ్రాస్ వసూలు చేసింది. రెండో వారంలోనూ అదే నిలకడను కనబరుస్తూ రూ.150 కోట్ల మార్కును చేరుకుంది. ముఖ్యంగా తెలుగు రాష్ట్రాలతో పాటు ఇతర ప్రాంతాల్లోనూ థియేటర్లలో హౌస్ఫుల్ బోర్డులు కనిపిస్తుండటం సినిమా క్రేజ్ను తెలియజేస్తోంది. తండ్రీకూతుళ్ల బలమైన అనుబంధం, భక్తి అంశాలతో కూడిన భావోద్వేగాలు ఫ్యామిలీ ఆడియన్స్ను థియేటర్లకు రప్పిస్తున్నాయి.
మైత్రీ మూవీ మేకర్స్ పతాకంపై నవీన్ యెర్నేని, వై. రవిశంకర్ ఈ చిత్రాన్ని నిర్మించగా, గుల్షన్ కుమార్, భూషణ్ కుమార్ సమర్పణలో టి-సిరీస్ భాగస్వామిగా వ్యవహరించింది. జి.వి. ప్రకాష్ కుమార్ అందించిన సంగీతం, నేపథ్య సంగీతం సినిమాకు ప్రధాన ఆకర్షణగా నిలిచాయి. ప్రస్తుతం కొనసాగుతున్న బుకింగ్స్ సరళి ప్రకారం రానున్న రోజుల్లోనూ కలెక్షన్లు నిలకడగా ఉండే అవకాశం ఉందని ట్రేడ్ వర్గాలు పేర్కొంటున్నాయి.