అవ్వల్ నంబర్ ప్రొడక్షన్స్ పతాకంపై రూపొందుతున్న యూత్ఫుల్ కామెడీ ఎంటర్టైనర్ ‘అమీర్ లోగ్’. ఎంసీ హరి, మనోజ్, శశిధర్ హీరోలుగా నటిస్తున్న ఈ చిత్రానికి రమణా రెడ్డి సోమ దర్శకత్వం వహిస్తున్నారు. తాజాగా ఈ సినిమా నుంచి విడుదలైన ‘అవ్వల్ దావత్’ అనే మాస్ గీతం ప్రస్తుతం సోషల్ మీడియాలో విశేష ఆదరణ పొందుతోంది.
రాహుల్ సిప్లిగంజ్ తనదైన జోష్తో ఆలపించిన ఈ పాటలో, ప్రముఖ కొరియోగ్రాఫర్ ఆనీ మాస్టర్ వేసిన మాస్ స్టెప్పులు ప్రధాన ఆకర్షణగా నిలిచాయి. యూట్యూబ్లో విడుదలైన కొద్ది సమయంలోనే ఈ పాట ఒక మిలియన్ (10 లక్షలు) వ్యూస్ దాటి ట్రెండింగ్లో దూసుకుపోతోంది. గతంలో హీరో శ్రీ విష్ణు చేతుల మీదుగా విడుదలైన ఈ చిత్ర టైటిల్, ఫస్ట్ లుక్ పోస్టర్లకు కూడా ప్రేక్షకుల నుంచి మంచి స్పందన లభించింది.
మాధవి రెడ్డి సోమ నిర్మిస్తున్న ఈ చిత్రానికి స్మరణ్ సాయి సంగీతం అందిస్తుండగా, ఎస్వికె సినిమాటోగ్రఫీ బాధ్యతలు నిర్వహిస్తున్నారు. వేదా జలంధర్, రావణ్ నిట్టూరు తదితరులు కీలక పాత్రలు పోషిస్తున్నారు. సినిమాకు సంబంధించిన మరిన్ని వివరాలను త్వరలోనే వెల్లడిస్తామని చిత్రబృందం తెలిపింది.
వీడియో కోసం ఇక్కడ క్లిక్ చేయండి
