వైవిధ్యమైన కధంశాలతో సినిమాలు రూపొందించే అతి తక్కువ మంది తెలుగు దర్శకులలో రవిబాబు ఒకరు. తొలిసారిగా ఒక సీక్వెల్ కు దర్శకత్వం వహిస్తున్నారు. తను దర్శకత్వం వహించిన హిట్ సినిమా ‘అవును’కు కొనసాగింపుగా ‘అవును 2’ సినిమాను తెరకెక్కించారు. డిసెంబర్ లో ఈ సినిమా విడుదల కానుంది.
‘అవును’ సినిమా తీస్తున్న సమయంలోనే పార్ట్ 2 చేయాలనే నిర్ణయం తీసుకున్నాను. స్క్రిప్ట్ కూడా అప్పుడే రెడీ చేశాను. చాలా మంది ‘అవును’ సినిమాకు సరైన ముగింపు ఇవ్వలేదని అడిగారు. వారికి నా సమాధానమే ‘అవును 2’. ఇది సీక్వెల్ కాదు, పార్ట్ 2. ‘అవును’ ఎక్కడైతే ముగిసిందో, పార్ట్ 2 అక్కడ నుండి ప్రారంభమవుతుంది. పార్ట్ 1 కంటే థ్రిల్లింగ్ మూమెంట్స్ ఈ సినిమాలో ఎక్కువ ఉంటాయి. అని తాజాగా ఇచ్చిన ఒక ఇంటర్వ్యూలో రవిబాబు తెలిపారు
హర్షవర్ధన్ రాణే, పూర్ణ జంటగా నటించిన ఈ సినిమాలో రవిబాబు, నికిత, సంజన కీలక పాత్రలలో కనిపిస్తారు. ఫ్లయింగ్ ఫ్రాగ్స్, సురేశ్ ప్రొడక్షన్స్ సంస్థలు సంయుక్తంగా ఈ సినిమాను నిర్మించారు.
