నందమూరి బాలకృష్ణ ప్రసతుతం ప్రజా నాయకుడిగా తమ కర్తవ్యాన్ని నిర్వహిస్తూనే, సినిమా షూటింగ్ లకి కూడా సమయం కేటాయిస్తున్నాడు. ప్రస్తుతం బాలకృష్ణ తన 98వ సినిమా ‘లయన్’ షూటింగ్ ని ఫినిష్ చేసే పనిలో ఉన్నాడు. షూటింగ్ చివరి దశలో ఉన్న ఈ సినిమాని మార్చి చివర్లో రిలీజ్ చెయ్యడానికి ప్లాన్ చేస్తున్నారు. ఇదిలా ఉంటే ఆయన ఇప్పటికే తన 99వ సినిమాకి సిద్దమవుతున్నాడు. ఇప్పటికే కోన వెంకట్ – గోపి మోహన్ లు కలిసి రాసిన కథకి బాలకృష్ణ గ్రీన్ సిగ్నల్ ఇచ్చాడు.
ఈ 99వ సినిమాకి శ్రీ వాస్ దర్శకత్వం వహించనున్నాడు. ఇప్పటికే ప్రీ ప్రొడక్షన్ పనులు దాదాపు పూర్తయిన ఈ సినిమా ఫిబ్రవరిలో ప్రారంభం కానుందని సమాచారం. ఫిబ్రవరి చివర్లోనే సెట్స్ పైకి తీసుకెళ్ళే ఆలోచనలో ఉన్నట్టు సమాచారం. శ్రీ వాస్ బాలకృష్ణని కొత్తగా చూపించేలా డిజైన్ చేసుకుంటున్నాడు. మరో వైపు బాలకృష్ణ కూడా ఈ సినిమా లుక్ మరియు గెటప్ విషయంలో స్పెషల్ కేర్ తీసుకుంటున్నారు.