తమిళ సూపర్ స్టార్ రజనీకాంత్ హీరోగా, యూనివర్సల్ హీరో కమల్ హాసన్ నిర్మాణంలో రాబోతున్న ‘తలైవర్ 173’ ప్రస్తుతం ఇండస్ట్రీలో హాట్ టాపిక్ అయింది. ‘డాన్’ సినిమాతో మెప్పించిన శిబి చక్రవర్తి ఈ చిత్రానికి దర్శకత్వం వహించనున్నాడు. ఈ కాంబినేషన్ను అనౌన్స్ చేసినప్పటి నుంచి ఈ సినిమాపై అంచనాలు భారీగా నెలకొన్నాయి.
అయితే, తాజాగా అందుతున్న సమాచారం ప్రకారం ఈ సినిమాలో విలన్ పాత్ర కోసం ఎవరూ ఊహించని పేరు వినిపిస్తోంది. ఈ ప్రతిష్టాత్మక చిత్రంలో రజనీకాంత్కు ధీటుగా నిలిచే విలన్ పాత్రలో లెజెండరీ దర్శకుడు శంకర్ నటించబోతున్నట్లు వార్తలు వస్తున్నాయి. మేకర్స్ ఈ ప్రతిపాదనను తీసుకువెళ్ళినప్పుడు శంకర్ పాజిటివ్ రెస్పాన్స్ ఇచ్చాడని తెలుస్తోంది. గతంలో రజనీకాంత్తో ‘రోబో’, ‘శివాజీ’ వంటి ఇండస్ట్రీ హిట్లను తెరకెక్కించిన శంకర్, ఇప్పుడు ఆయనకు విలన్గా మారబోతుండటం సినీ ప్రియుల్లో అదిరిపోయే ఆసక్తిని క్రియేట్ చేస్తోంది.
మరో విశేషమేమిటంటే, ఈ సినిమాలో నిర్మాత కమల్ హాసన్ ఒక పవర్ఫుల్ క్యామియో రోల్లో కనిపించబోతున్నాడట. రాజ్ కమల్ ఫిలిమ్స్ ఇంటర్నేషనల్ నిర్మిస్తున్న ఈ చిత్రానికి అనిరుధ్ రవిచందర్ సంగీతం అందిస్తున్నాడు. మరి నిజంగానే ఈ సినిమాతో శంకర్ రజినీ పాలిట విలన్గా మారతాడా అనేది చూడాలి.
