సూపర్ హిట్ మూవీ ‘బిల్లా’ చిత్రానికి ఫ్రీక్వెల్ గా తమిళ సూపర్ స్టార్ అజిత్ హీరోగా తెరకెక్కిన చిత్రం “డేవిడ్ బిల్లా”. కమల్ హాసన్ మరియు వెంకటేష్ లతో “ఈనాడు” లాంటి చిత్రాన్ని తీసిన చక్రి తోలేటి ఈ చిత్రానికి దర్శకత్వం వహించారు. ఇటీవలే సెన్సార్ కార్యక్రమాలు పూర్తి చేసుకున్న ఈ చిత్రం గురించి ఈ చిత్ర నిర్మాత శోభారాణి మాట్లాడుతూ ” ‘డేవిడ్ బిల్లా’ చిత్రానికి సెన్సార్ బోర్డ్ వారు ఎ సర్టిఫికేట్ ఇచ్చారు. ఈ చిత్రంలో ఒక సన్నివేశాన్ని కూడా కట్ చెయ్యలేదని, ఒకే ఒక డైలాగ్ ని మాత్రమే మ్యూట్ చేశారన్నారు. ఈ చిత్రాన్ని ప్రపంచ వ్యాప్తంగా సుమారు 1200 ప్రింట్లతో తెలుగు మరియు తమిళ భాషల్లో జూలై 13న విడుదల చేయనున్నాం. ఈ చిత్రం చివరి పాటలో యువన్ శంకర్ రాజా తెరపై కనిపించనుండడం చెప్పుకోదగ్గ విశేషం” అని ఆమె అన్నారు. ఈ చిత్రంలో పార్వతి ఒమనకుట్టన్ మరియు బ్రూన అబ్దుల్లాలు కథానాయికలుగా నటించారు. అజిత్ చాలా స్టైలిష్ లుక్ తో కనిపించనున్న ఈ చిత్రానికి యువన్ శంకర్ రాజా సంగీతం అందించారు.