శ్రీ లక్ష్మీ జ్యోతి క్రియేషన్స్ పతాకంపై ఏ.ఎన్. బాలాజీ నిర్మిస్తున్న చిత్రం ‘ఫీల్ మై లవ్’. హరి ప్రకాష్ ఎం రచన, దర్శకత్వం వహిస్తున్న ఈ చిత్రానికి సంబంధించి వినాయక చవితి సందర్భంగా ప్రత్యేక పోస్టర్ను విడుదల చేశారు. ఈ పోస్టర్లో ప్రధాన తారాగణాన్ని చూపించారు.
ఈ చిత్రంలో ఆదిత్య భాస్కర్, ఐరా, అమ్ము అభిరామి, మధుసూదన్ రావు, రాజయ్యప్ప, నోబెల్ జేమ్స్, ప్రియాంక ప్రధాన పాత్రలు పోషించారు. చెన్నై, పుదుచ్చేరి, మున్నార్, కొడైకెనాల్ ప్రాంతాల్లో ఈ సినిమా చిత్రీకరణ జరిపారు. త్వరలోనే ఆడియో విడుదల చేసి, రెండు తెలుగు రాష్ట్రాల్లో ప్రచార కార్యక్రమాలు నిర్వహించనున్నట్లు చిత్ర బృందం తెలిపింది.
తెలుగుతో పాటు తమిళం, కన్నడ, మలయాళం, హిందీ భాషల్లో ఈ చిత్రం విడుదల కానుంది. చిత్రానికి రాజా రవివర్మ ఎస్, బాలసుబ్రహ్మణ్యన్ జి సంగీతం అందించగా, ఎం.ఎస్. సతీష్ సినిమాటోగ్రఫీ, అజయ్ మనోజ్ ఎడిటింగ్ బాధ్యతలు నిర్వర్తించారు. విడుదల తేదీని త్వరలోనే ప్రకటించనున్నారు.
