ప్రస్తుతం టాలీవుడ్ లో సూపర్ సక్సెస్ అయ్యిన నిర్మాణ సంస్థ ప్రైమ్ షో ఎంటర్టైన్మెంట్స్. తమ తాజా చిత్రం “హను మాన్” తో ఒక ఊహించని పాన్ ఇండియా విజయాన్ని తాము అందుకోగా ఇప్పుడు తమ నుంచి మరిన్ని ఆసక్తికరమైన సినిమాలు ఒకొకటి సిద్ధం చేస్తున్నారు. అయితే ఈ లైనప్ లో ఓ మెగా యంగ్ హీరోతో సినిమా ఓకే చేసినట్టుగా ఇప్పుడు బజ్ వినిపిస్తోంది. మరి దీని ప్రకారం హను మాన్ మేకర్స్ సుప్రీం హీరో సాయి ధరమ్ తేజ్ తో ఓ క్రేజీ ప్రాజెక్ట్ ని లాక్ చేసారని వినిపిస్తోంది.
ఈ సినిమాని కొత్త దర్శకుడు టేకాఫ్ చేయనుండగా ఇదొక పీరియాడిక్ జానర్ లో ఉండబోతుంది అని తెలుస్తోంది. దాదాపు 1940ల దశకంలో సినిమా ఉంటుంది అని టాక్. మరి ఈ తరహా కాన్సెప్ట్ లో తేజు చేసింది లేదు. మరి చూడాలి ఈ సాలిడ్ ప్రాజెక్ట్ ఎలా ఉంటుంది అనేది. ఇక ప్రస్తుతం విరుపాక్ష, బ్రో సినిమాలతో హిట్స్ అందుకున్న తేజు గాంజా శంకర్ సినిమాలో బిజీగా ఉన్నాడు. మరి హను మాన్ మేకర్స్ తో ప్రాజెక్ట్ సంబంధించి మరిన్ని వివరాలు బయటకు రావాల్సి ఉంది.
