యంగ్ అండ్ టాలెంటెడ్ హీరో అడివి శేష్ హీరోగా మృణాల్ ఠాకూర్ హీరోయిన్ గా దర్శకుడు షానియల్ డియో తెరకెక్కించిన లేటెస్ట్ యాక్షన్ లవ్ స్టోరీ చిత్రమే డెకాయిట్. మంచి బజ్ నడుమ రిలీజ్ కి వచ్చిన ఈ చిత్రం అంచనాలు అందుకొని సాలిడ్ వసూళ్లు కూడా రాబట్టింది. అయితే ఈ సినిమా థియేటర్స్ లో మూడు వారాలు పూర్తి చేసుకున్నప్పటికీ వీకెండ్స్ లో మంచి బుకింగ్స్ కనబరిచింది.
ఇలా ఫైనల్ గా థియేటర్స్ నుంచి ఓటిటి ఎంట్రీకి ఇప్పుడు సిద్ధం అయినట్టు తెలుస్తుంది. ఈ చిత్రం స్ట్రీమింగ్ హక్కులు దిగ్గజ స్ట్రీమింగ్ సంస్థ నెట్ ఫ్లిక్స్ సొంతం చేసుకున్న సంగతి తెలిసిందే. ఇక అందులో ఈ సినిమా ఈ మే 8 నుంచి పాన్ ఇండియా భాషల్లో స్ట్రీమ్ కానున్నట్టుగా తెలుస్తుంది. సో దీనిపై అధికారిక క్లారిటీ ఇంకా బయటకి రావాల్సి ఉంది. ఇక ఈ సినిమాకి భీమ్స్ సంగీతం అందించగా సుప్రియ యార్లగడ్డ నిర్మాణం వహించారు.
