ప్రస్తుతం మన టాలీవుడ్ సూపర్ స్టార్ మహేష్ బాబు హీరోగా నటించిన లేటెస్ట్ అవైటెడ్ సినిమా అయినటువంటి “సర్కారు వారి పాట” తో మంచి విజయాన్ని అందుకున్న సంగతి తెలిసిందే. ఇక ఈ సినిమా తర్వాత మహేష్ నుంచి క్రేజీ లైనప్ సిద్ధంగా ఉంది. అయితే ఈ లైనప్ లో మహేష్ మొదటగా తన హ్యాట్రిక్ దర్శకుడు త్రివిక్రమ్ తో ఒక భారీ సినిమా చేయనున్నాడు. మరి ఇప్పుడు ఈ సినిమాపై లేటెస్ట్ టాక్ ఒకటి వినిపిస్తుంది.
దీని ప్రకారం అయితే ఈ చిత్రం జూలై నుంచి ఒక సాలిడ్ యాక్షన్ సీక్వెన్స్ తో స్టార్ట్ అవ్వనున్నట్టు తెలుస్తుంది. అలాగే ఈ సీక్వెన్స్ త్రివిక్రమ్ మార్క్ లో మంచి లాజికల్ అండ్ స్టైలిష్ గా ఉంటుందని తెలుస్తుంది. ఆల్రెడీ మహేష్ మరియు త్రివిక్రమ్ ల కాంబోలో వచ్చిన రెండు సినిమాల్లో ఏ రేంజ్ యాక్షన్ సీక్వెన్స్ లు ఉన్నాయో చూసాము. అలాంటిది ఇప్పుడు భారీ పాన్ ఇండియా సినిమా చేస్తున్నారు మరి దానికి ఎలా ఉంటుందో ప్రత్యేకంగా చెప్పక్కర్లేదు.
