మెగాస్టార్ చిరంజీవి, దర్శకుడు బాబీ కాంబినేషన్లో ఇప్పటికే అనౌన్స్ అయిన ‘మెగా 158’ సినిమా కోసం ప్రేక్షకుల్లో మంచి బజ్ ఏర్పడింది. గతంలో ‘వాల్తేరు వీరయ్య’తో బ్లాక్బస్టర్ కాంబోగా పేరుతెచ్చుకున్న వీరిద్దరు మరోసారి పవర్ఫుల్ సినిమాతో ప్రేక్షకుల ముందుకు రాబోతున్నారు. ఇక ఈ సినిమాను అనౌన్స్ చేసిన దగ్గర్నుంచి ఈ మూవీకి సంబంధించి అనేక వార్తలు నెట్టింట చక్కర్లు కొడుతున్నాయి.
అయితే, ఇందులో భాగంగా మెగా 158 ప్రాజెక్ట్లో బాలీవుడ్ వెటరెన్ యాక్టర్ అనిల్ కపూర్ ఓ కీలక పాత్రలో నటించబోతున్నట్లు వార్తలు వినిపించాయి. ఈ వార్తలు నెట్టింట జోరుగా చక్కర్లు కొట్టడంతో మెగా ఫ్యాన్స్ కూడా అనిల్ కపూర్ ఈ సినిమాలో నటిస్తున్నాడని ఫిక్స్ అయ్యారు. కానీ, ఇప్పుడు చిత్ర వర్గాల నుండి అందుతున్న సమాచారం ప్రకారం ఈ సినిమాలో అనిల్ కపూర్ నటించడం లేదని.. అవన్నీ కేవలం రూమర్స్ మాత్రమే అని తేలిపోయింది.
దీంతో మెగాస్టా్ర్ చిరంజీవి సినిమాలో బాలీవుడ్ యాక్టర్ అనిల్ కపూర్ నటించడం లేదనే విషయంపై క్లారిటీ వచ్చేసింది. ఇక ఈ సినిమాకు సంబంధించిన ప్రీ-ప్రొడక్షన్ పనులు చివరి దశకు చేరుకున్నాయి. ఈ చిత్రాన్ని త్వరలోనే పట్టాలెక్కించేందుకు మేకర్స్ రెడీ అవుతున్నారు.
