దివంగత నటుడు శ్రీహరి జయంతి సందర్భంగా ఆయన తనయుడు మేఘాంశ్ శ్రీహరి కథానాయకుడిగా నటిస్తున్న నూతన చిత్ర ఫస్ట్ లుక్ను చిత్రబృందం విడుదల చేసింది. భైరవకాళి ఫ్లిక్స్ పతాకంపై లెల్లా రాహుల్ నిర్మిస్తున్న ఈ చిత్రానికి లెల్లా రోహిత్ దర్శకత్వం వహిస్తున్నారు. తెలంగాణ సంస్కృతిని ప్రతిబింబించేలా పోతురాజు ఆహార్యంలో ఉన్న మేఘాంశ్ ఫస్ట్ లుక్ పోస్టర్ను మేకర్స్ విడుదల చేశారు.
ఈ సినిమా ఇప్పటికే 50 శాతం చిత్రీకరణ పూర్తి చేసుకుందని చిత్ర యూనిట్ వెల్లడించింది. కథా నేపథ్యాన్ని పరిచయం చేస్తూ త్వరలోనే టైటిల్ గ్లింప్స్ విడుదల చేసేందుకు సన్నాహాలు చేస్తున్నారు. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలోనే అధికారికంగా ప్రకటించనున్నట్లు మేకర్స్ తెలిపారు.
