ఒకప్పటి స్టార్ హీరోయిన్ మరియు తమిళనాడు దివంగత ముఖ్యమంత్రి పురిచ్చి తలైవి జయలలితగారి జీవితం ఆధారంగా తమిళ దర్శకురాలు ప్రియదర్శిని బయోపిక్ ను తెరకెక్కిస్తున్న విషయం తెలిసిందే. ‘ది ఐరన్ లేడీ’ అనే టైటిల్ తో ఈ చిత్రం తెరకెక్కనుంది. కాగా తాజాగా సినీ వర్గాల సమాచారం ప్రకారం టాలెంటెడ్ హీరోయిన్ నిత్యామీనన్ తమిళనాడు మాజీ ముఖ్యమంత్రి జయలలితగారి పాత్రలో నటించబోతుందని తెలుస్తోంది. అయితే చిత్రబృందం నుంచి ఇంకా ఎలాంటి అధికారిక ప్రకటన రాలేదు.
ఈ చిత్రంలో జయలలిత బలమైన వ్యక్తిత్వాన్ని ప్రతిబింబించాలంటే నిత్యామీనన్ లాంటి బలమైన నటి అయితేనే ఆ పాత్రకు న్యాయం జరుగుతుందని దర్శకనిర్మాతలు భావించారట. అందుకే ఆమెను ఎంపిక చేసినట్లు సమాచారం. ఇక ఈ చిత్రంలో నటించే మిగిలిన నటీనటులను కూడా త్వరలోనే ఎంపిక చేస్తామని వి.కె. ప్రకాశ్ తెలిపారు. ఇంతకి జయలలిత పాత్రలో నిత్యామీనన్ ఎలా నటిస్తుందో చూడాలి.
