టాలెంటెడ్ హీరో ధనుష్ హీరోగా ఇప్పుడు వరుసగా పలు సినిమాలు చేస్తూ బిజీగా ఉన్న సంగతి తెలిసిందే. అయితే ధనుష్ ఇటీవల చేసిన హిట్ చిత్రాల్లో సార్ కూడా ఒకటి. తెలుగు దర్శకుడు, నిర్మాతతో కలిసి చేసిన ఈ సినిమా సూపర్ హిట్ అయ్యింది.
అయితే ఈ సినిమా తర్వాత మళ్ళీ నిర్మాత నాగవంశీతో ధనుష్ ఓ సినిమా ఉంటుంది అని తెలిపాము. ఇక ఫైనల్ గా మేకర్స్ సాలిడ్ అప్డేట్ ని ఇప్పుడు అందించారు. ధనుష్ కెరీర్ 59వ సినిమాగా అనౌన్స్ చేసిన ఈ పోస్టర్ చూస్తుంటే ఏదో థ్రిల్లర్ ని తీసుకొస్తున్నారా అనిపిస్తుంది.
ఇక ఈ చిత్రాన్ని దర్శకుడు విజయ్ బి కుమార్ తెరకెక్కించనుండగా కన్నప్ప, రీసెంట్ బ్లాస్ట్ బ్యూటీ ప్రీతీ ముకుందన్ ఇందులో హీరోయిన్ గా నటిస్తుంది. అలాగే యంగ్ సెన్సేషన్ సాయి అభ్యంకర్ సంగీతం అందిస్తుండడం విశేషం. అలానే ఈ సినిమాని మేకర్స్ వచ్చే ఏడాది వేసవి కానుకగా విడుదల చేస్తున్నట్టు తెలిపారు.
