పాన్ ఇండియా స్టార్ ప్రభాస్ నటిస్తున్న ది మోస్ట్ అవైటెడ్ చిత్రం ‘ది రాజా సాబ్’ (The Raja Saab) మరికొద్ది రోజుల్లో ప్రేక్షకుల ముందుకు రానుంది. దర్శకుడు మారుతి డైరెక్ట్ చేసిన ఈ హారర్ కామెడీ చిత్రంతో ప్రభాస్ మరోసారి బాక్సాఫీస్ దగ్గర తన సత్తా చాటడం ఖాయమని చిత్ర యూనిట్ ధీమా వ్యక్తం చేస్తోంది. ఇక ఇప్పటికే రిలీజ్ అయిన ఈ మూవీ పోస్టర్స్, టీజర్, ట్రైలర్స్ ఈ సినిమాపై అంచనాలను అమాంతం పెంచాయి.
ఇక (The Raja Saab) ఈ సినిమా నుంచి మేకర్స్ తాజాగా ఓ పెప్పీ డ్యాన్స్ నెంబర్ సాంగ్ను రిలీజ్ చేశారు. బాలీవుడ్ బ్లాక్బస్టర్ డిస్కో డ్యాన్సర్ మూవీలోని ‘నాచె నాచె’ సాంగ్ను రీమిక్స్ చేసిన ఈ పాట అదిరిపోయింది. ప్రభాస్తో పాటు ముగ్గురు హీరోయిన్లు మాళవిక మోహనన్, నిధి అగర్వాల్, రిద్ధి కుమార్ ఈ పాటలో మెరిసిపోయారు. తమదైన ఎనర్జీతో వారు చేసిన డ్యాన్స్ ఈ పాటకే హైలైట్గా నిలిచింది. ఇక ఈ పాటలో ప్రభాస్ వింటేజ్ డార్లింగ్ లుక్స్తో పాటు అభిమానులు ఎంతోకాలంగా వెయిట్ చేస్తున్న డ్యాన్స్ స్టెప్పులతో ఇరగదీశాడు. ముగ్గురు హీరోయిన్లు ఉన్నా, అందరూ ప్రభాస్ చేసే డ్యాన్స్నే లైక్ చేస్తున్నారు.
అంతలా తన డ్యాన్స్ మూమెంట్స్తో మైమరపించిన ప్రభాస్ ఈ సినిమాలో ఇంకా ఎలాంటి ట్రీట్ ఇవ్వబోతున్నాడా అని అభిమానులు ఆసక్తిగా చూస్తున్నారు. ఇక ఈ సినిమాలోని హారర్ ఎలిమెంట్స్ కూడా ప్రేక్షకులను థ్రిల్ చేయడం ఖాయమని మేకర్స్ ధీమా వ్యక్తం చేస్తున్నారు. ఈ సినిమాలో సంజయ్ దత్, బొమన్ ఇరానీ తదితరులు ఇతర ముఖ్య పాత్రల్లో నటించారు. ఈ సినిమాను థమన్ సంగీతం అందించగా పీపుల్ మీడియా ఫ్యాక్టరీపై టి.జి.విశ్వప్రసాద్, కృతిప్రసాద్ ప్రొడ్యూస్ చేస్తున్నారు. ఈ చిత్రాన్ని జనవరి 9న గ్రాండ్ రిలీజ్ చేసేందుకు మేకర్స్ రెడీ అయ్యారు.
వీడియో కోసం ఇక్కడ క్లిక్ చేయండి
