సుప్రీం హీరో సాయి ధరమ్ తేజ్ హీరోగా యంగ్ సెన్సేషన్ నభా నటేష్ హీరోయిన్ గా నూతన దర్శకుడు సుబ్బు దర్శకత్వంలో తెరకెక్కిన తాజా చిత్రం “సోలో బ్రతుకే సో బెటర్” ఓ సాహసోపేత విడుదలలో వచ్చి ఆదరగొట్టింది అని చెప్పాలి. ఓటిటి హవా నడుస్తున్న ఈ సమయంలో అందుకు బ్రేక్ ఇచ్చి థియేటర్స్ లోకి వచ్చి పీపుల్ బ్లాక్ బస్టర్ అయ్యింది.
అయితే ఈ చిత్రం విడుదలకు ముందే స్ట్రీమింగ్ హక్కులను “జీ” వారు కొనుగోలు చేసిన సంగతి తెలిసిందే. మరి ఇప్పుడు ఈ చిత్రాన్ని వారు స్ట్రీమింగ్ వెర్షన్ కు కూడా తీసుకు రావడానికి రెడి చేస్తున్నారు. వచ్చే కొత్త సంవత్సరం 2021 జనవరి 1వ తేదీ నుంచి ఈ చిత్రాన్ని “జీ ప్లెక్స్” లో పే పర్ వ్యూ రూపేణా అందుబాటులోకి తీసుకు రానుండడం కన్ఫర్మ్ అయ్యింది.
ఇప్పటికే థియేట్రికల్ వెర్షన్ లో బ్రేకీవెన్ కు దగ్గరలో ఉన్న ఈ చిత్రం ఇక డిజిటల్ గా కూడా అందుబాటులోకి రానుంది. మరి ఇందులో ఎలాంటి రెస్పాన్స్ ను ఈ చిత్రం అందుకుంటుందో చూడాలి. ఇక ఈ చిత్రానికి థమన్ సంగీతం అందించగా బి వి ఎస్ ఎన్ ప్రసాద్ నిర్మాణం వహించారు.
