ఇటీవల ఈగిల్, టిల్లు స్క్వేర్ సినిమాల ద్వారా ఆడియన్స్ ముందుకి వచ్చి మంచి విజయాలు సొంతం చేసుకున్న యువ నటి అనుపమ పరమేశ్వరన్ తాజాగా సినిమా బండి దర్శకుడు ప్రవీణ్ కండ్రేగుల దర్శకత్వంలో ఒక మూవీ చేసేందుకు సిద్ధమయ్యారు. ఇటీవల మలయాళంలో జయ జయ జయ జయ హే మూవీ ద్వారా మంచి విజయం అందుకున్న నటి దర్శన రాజేంద్రన్ ఈ మూవీ ద్వారా టాలీవుడ్ కి ఎంట్రీ ఇవ్వనున్నారు.
అలానే సంగీత, రాగ్ మయూరి ఇందులో కీలక పాత్రలు చేయనున్నారు. విషయం ఏమిటంటే ఈ క్రేజీ ప్రాజక్ట్ యొక్క కాన్సెప్ట్ వీడియోని దర్శకులు రాజ్ అండ్ డీకే తో కలిసి స్టార్ నటి సమంత రేపు సాయంత్రం 4 గం. 56 ని. లకు రిలీజ్ చేయనున్నారు. ఇక ఈ మూవీని శ్రీనివాసులు. పి, విజయ్ డొంకాడ, శ్రీధర్ మక్కువ కలిసి గ్రాండ్ గా నిర్మిస్తున్నారు. గోపి సుందర్ సంగీతం అందిస్తున్న ఈమూవీ గురించిన పూర్తి వివరాలు రేపు వెల్లడి కానున్నాయి.
