తమిళ హిట్ మూవీ ‘అసురన్’ తెలుగులో రీమేక్ అవుతున్న సంగతి తెలిసిందే. ఇందులో ధనుష్ పాత్రను విక్టరీ వెంకటేష్ చేస్తుండగా శ్రీకాంత్ అడ్డాల దర్శకత్వం వహిస్తున్నారు. ఇప్పటికే సినిమా 60 శాతం ముగిసింద కూడ. ఇకపోతే ఈ సినిమాను కన్నడలోకి కూడా రీమేక్ చేయనున్నారు. ఈ రీమేక్లో సీనియర్ స్టార్ హీరో శివరాజ్ కుమార్ నటించనున్నారని తెలుస్తోంది.
శివరాజ్ కుమార్ స్వతహాగానే రియలిస్టిక్ కథలు, పాత్రలు అంటే ఎక్కువ ఆసక్తి చూపుతుంటారు. ఆ ఆసక్తితోనే ఆయన ఈ రీమేక్ చేయడానికి ఒప్పుకున్నారట. ఈ చిత్రాన్ని జాకబ్ వెర్ఘెసె డైరెక్ట్ చేయనున్నారు. త్వరలోనే ఈ ప్రాజెక్ట్ పట్టాలెక్కనుంది. ఒక భాషలో హిట్టైన సినిమాను వేరే రెండు భాషల్లో ఇద్దరు పెద్ద హీరోలు వెంట వెంటనే రీమేక్ చేయనుండటం నిజంగా విశేషమే అనాలి.
