నందమూరి నట సింహం బాలకృష్ణ హీరోగా ఇప్పుడు తన కెరీర్ 111వ చిత్రాన్ని దర్శకుడు గోపీచంద్ మలినేని కాంబినేషన్ లో చేస్తున్న సంగతి తెలిసిందే. బాలయ్య నుంచి సాలిడ్ గ్యాంగ్ స్టర్ యాక్షన్ డ్రామాగా వస్తున్న ఈ సినిమా షూటింగ్ ప్రస్తుతం శరవేగంగా పూర్తవుతుంది. ఇక ఈ చిత్రంలో లేటెస్ట్ గా మంచు వారి హీరో రాకింగ్ స్టార్ మంచు మనోజ్ యాడ్ అయినట్టుగా మేకర్స్ ఊహించని అప్డేట్ అందించారు.
దీనితో ఈ ప్రాజెక్ట్ లో మనోజ్ ఎలాంటి రోల్ లో కనిపిస్తాడు అనేది మరింత ఆసక్తిగా మారింది. అయితే గత పద్నాలుగేళ్ళ కితం మంచు మనోజ్ సినిమా ఊ కొడతారా? ఉలిక్కి పడతారా? అనే సినిమాలో బాలయ్య గెస్ట్ రోల్ లో కనిపించారు. కామెడీ హారర్ నేపథ్యంలో వచ్చిన ఈ చిత్రంలో బాలయ్య రోల్ మంచి ఇంపాక్ట్ చూపించింది. ఇక మళ్ళీ ఇన్నాళ్ళకి బాలయ్య సినిమాలో మనోజ్ నటించనున్నాడు. సో ఈసారి తన రోల్ ఎలా ఉంటుందో చూడాల్సిందే. ఇక ఈ చిత్రానికి థమన్ సంగీతం అందిస్తుండగా వృద్ధి సినిమాస్ నిర్మాణం వహిస్తున్నారు.
