యూనివర్సల్ స్టార్ కమల్ హాసన్ ప్రస్తుతం ‘ఉత్తమ విలన్’ షూటింగ్ లో బిజీగా ఉన్నాడు. ప్రస్తుతం ఈ సినిమా షూటింగ్ చెన్నైలో వేసిన ఓ భారీ సెట్లో జరుగుతోంది. ఈ సినిమా తర్వాత కమల్ హాసన్ మలయాళం సూపర్ హిట్ ‘దృశ్యం’ రీమేక్ లో నటించాల్సి ఉంది. కమల్ హాసన్ ‘ఉత్తమ విలన్’ విలన్ కోసం లిమిటెడ్ డేట్స్ ఇచ్చినట్లు మేము ఇది వరకే తెలిపాము. తాజా సమాచారం ప్రకారం కమల్ హాసన్ ఒక రోజు ఉత్తమ విలన్ షూటింగ్ ఫినిష్ చేసి తర్వాత రోజే తన దృశ్యం మూవీ షూటింగ్ మొదలు పెట్టనున్నారు. కమల్ ఇచ్చిన డేట్స్ ప్రకారం జూలై 14న ‘ఉత్తమ విలన్’కి గుమ్మడికాయ కొట్టేసి, జూలై 15 నుంచి ‘దృశ్యం’ రీమేక్ ని మొదలు పెట్టనున్నారు. దృశ్యం రీమేక్ ని కేవలం రెండు నెలల్లో పూర్తిచేసి విడుదల చేయడానికి కమల్ ప్లాన్ చేస్తున్నాడు. ‘ఉత్తమ విలన్’ ని సెప్టెంబర్ లో రిలీజ్ చేసి ఆ తర్వాత వరుసగా ‘విశ్వరూపం 2’, ‘దృశ్యం’ చిఎన్మాలను రీమేక్ చేయడానికి కమల్ ప్లాన్ చేస్తున్నాడు.
