తమిళ సూపర్ స్టార్ ఇలయథలపథి విజయ్ హీరోగా నటించిన ‘కత్తి’ సినిమా అక్టోబర్ 22న దీపావళి కానుకగా తమిళంలో విడుదలై సూపర్ హిట్ అవ్వడమే కాకుండా బాక్స్ ఆఫీసు వద్ద కలెక్షన్స్ వర్షం కూడా కురిపిస్తోంది. ఈ సినిమాని ముందుగా తెలుగులో డబ్ చేద్దాం అనుకున్నారు కానీ అక్కడ సినిమా హిట్ అవ్వడంతో ఇక్కడ రీమేక్ చేద్దాం అని ఫిక్స్ అయ్యారు.
ఈ కత్తి తెలుగు రీమేక్ లో పవర్ స్టార్ పవన్ కళ్యాణ్ హీరోగా నటించనున్నాడు అనే వార్తలు కూడా వస్తున్నాయి. అవి నిజం అనే పవన్ సన్నిహితులు అంటున్నారు. మాకు అందిన తాజా సమాచారం ప్రకారం ఈ రోజు పవన్ కళ్యాణ్ నిర్మాత ఠాగూర్ మధు కలిసి కత్తి సినిమాని చూడనున్నారు. పవన్ కళ్యాన్ ఈ సినిమా చూసిన తర్వాత ఈ సినిమా చేయాలా వద్దా అనే నిర్ణయం తీసుకునే అవకాశం ఉంది. సోషల్ మెసేజ్ ఉన్న సబ్జెక్ట్ కాబట్టి పవన్ కళ్యాణ్ ఎక్కువ భాగం ఈ సినిమాకి గ్రీన్ సిగ్నల్ ఇస్తాడనే అంటున్నారు.
విజయ్ సరసన సమంత హీరోయిన్ గా నటించిన ఈ సినిమాకి ఎఆర్ మురుగదాస్ డైరెక్టర్. అనిరుదు రవిచంద్రన్ మ్యూజిక్ అందించాడు.
