తమిళ స్టార్ హీరో ఇళయదళపతి విజయ్ నటించిన చిత్రం ‘సర్కార్’. పొలిటికల్ యాక్షన్ డ్రామా గా తెరకెక్కుతున్న ఈచిత్రంలో విజయ్ సీఎం పాత్ర లో నటిస్తున్నాడని ఇటీవల వార్తలు వచ్చాయి. ఇక నిన్న జరిగిన ఈ చిత్ర ఆడియో వేడుకలో ఈ వార్తలపై క్లారిటీ ఇచ్చారు విజయ్. తాను ఈచిత్రంలో ముఖ్యమంత్రి పాత్రలో నటించడం లేదని ఆయన అన్నారు.
ఇక నిజవితంలో విజయ్ పాత్ర ఎలావుంటుందో ఈ చిత్రంలోను ఆయన పాత్ర అలాగే ఉంటుందని చిత్ర దర్శకుడు మురుగదాస్ అన్నారు. సన్ పిక్చర్స్ నిర్మిస్తున్న ఈచిత్రం దీపావళి కానుకగా నవంబర్ 7న విడుదలయ్యే అవకాశాలు వున్నాయి. కీర్తి సురేష్ కథానాయికగా నటించిన ఈచిత్రానికి ఏఆర్ రహమాన్ సంగీతం అందిస్తున్నారు.
