మెగాస్టార్ చిరంజీవి, హిట్ మెషిన్ అనిల్ రావిపూడి కాంబినేషన్లో వచ్చిన ఫ్యామిలీ ఎంటర్టైనర్ ‘మన శంకర వర ప్రసాద్ గారు’ (Mana Shankara Vara Prasad Garu) బాక్సాఫీస్ వద్ద సెన్సేషనల్ హిట్గా నిలిచింది. ఈ ఏడాది సంక్రాంతి కానుకగా విడుదలైన ఈ చిత్రం, ప్రపంచవ్యాప్తంగా ఏకంగా రూ. 350 కోట్లకు పైగా గ్రాస్ వసూళ్లను రాబట్టి టాలీవుడ్లో ‘రీజనల్ ఇండస్ట్రీ హిట్’గా నిలిచింది. మెగాస్టార్ కెరీర్లోనే అత్యధిక వసూళ్లు సాధించిన చిత్రంగా ఇది సరికొత్త చరిత్ర సృష్టించింది. నయనతార హీరోయిన్గా నటించిన ఈ సినిమాలో విక్టరీ వెంకటేష్ అతిథి పాత్రలో మెరవడం విశేషం.
థియేటర్లలో కాసుల వర్షం కురిపించిన ఈ చిత్రం ఇప్పుడు డిజిటల్ ప్లాట్ఫామ్లో సందడి చేసేందుకు సిద్ధమైంది. ప్రముఖ ఓటీటీ సంస్థ జీ5 ఈ సినిమా డిజిటల్ హక్కులను సొంతం చేసుకుంది. ఇక ఇప్పుడు ఈ చిత్రం ఫిబ్రవరి 11 నుంచి స్ట్రీమింగ్ కానుంది. కేవలం తెలుగులోనే కాకుండా హిందీ, తమిళ్, కన్నడ, మలయాళం, మరాఠీ మరియు బెంగాలీ వంటి మొత్తం ఏడు భాషల్లో ఈ చిత్రం అందుబాటులోకి రానుండటం గమనార్హం. థియేటర్లో విడుదలైన నాలుగు వారాలకే ఈ మూవీ ఓటీటీలోకి వస్తోంది.
షైన్ స్క్రీన్స్ మరియు గోల్డ్ బాక్స్ ఎంటర్టైన్మెంట్స్ బ్యానర్లపై సాహు గారపాటి, సుష్మిత కొణిదెల సంయుక్తంగా నిర్మించిన ఈ చిత్రానికి భీమ్స్ సిసిరోలియో సంగీతం అందించారు. ఈ సినిమాకు ఓటీటీలో కూడా సాలిడ్ రెస్పాన్స్ రావడం ఖాయమని చిత్ర యూనిట్ భావిస్తోంది.
