మెగా పవర్స్టార్ రామ్ చరణ్ ఈరోజు తన 41వ పుట్టినరోజును జరుపుకుంటున్నాడు. ఈ సందర్భాన్ని పురస్కరించుకుని సోషల్ మీడియా వేదికగా అభిమానులు, సినీ ప్రముఖులు ఆయనకు పెద్ద ఎత్తున శుభాకాంక్షలు తెలుపుతున్నారు. అయితే, వీటన్నింటిలోనూ ఆయన తండ్రి, మెగాస్టార్ చిరంజీవి పంపిన సందేశం స్పెషల్గా నిలిచిందని చెప్పాలి. తన కుమారుడికి పుట్టినరోజు శుభాకాంక్షలు తెలుపుతూ చిరంజీవి షేర్ చేసిన పోస్ట్ నెటిజన్లను విశేషంగా ఆకట్టుకుంటోంది.
‘విశ్వంభర’ నటుడు చిరంజీవి తన తనయుడితో ఉన్న పాత జ్ఞాపకాలను నెమరువేసుకుంటూ, రామ్ చరణ్ చిన్నప్పటి అరుదైన ఫోటోలను సోషల్ మీడియాలో పంచుకున్నారు. అత్యంత క్యూట్గా ఉన్న ఈ చిన్ననాటి ఫోటోలను చూసి మెగా అభిమానులు ఫిదా అవుతున్నారు. ఈ ఫోటోలు షేర్ చేసిన కొద్దిసేపట్లోనే నెట్టింట వైరల్గా మారాయి. తండ్రీ కొడుకుల మధ్య ఉన్న అనుబంధాన్ని ఈ ఫోటోలు మరోసారి చాటిచెప్పాయి.
ఇక సినిమాల విషయానికి వస్తే, రామ్ చరణ్ ప్రస్తుతం బుచ్చిబాబు సానా దర్శకత్వంలో తన నెక్స్ట్ చిత్రం ‘పెద్ది’ షూటింగ్లో బిజీగా ఉన్నాడు. ఈ సినిమాలో జాన్వీ కపూర్ హీరోయిన్గా నటిస్తుండగా, దీనిని 2026 ఏప్రిల్ 30న విడుదల చేసేందుకు చిత్ర బృందం సన్నద్ధమవుతోంది.
