సాయి ధరమ్ తేజ్, రెజినా జంటగా నటించిన ‘పిల్లా నువ్వులేని జీవితం’ ఈ శుక్రవారం ప్రపంచవ్యాప్తంగా విడుదలైంది. మొదటి ఆట నుండి మంచి రెస్పాన్స్ సొంతం చేసుకుంది. దర్శకుడు రవి కుమార్ చౌదరి సినిమాను చాలా వినోదాత్మకంగా తెరకెక్కించారు. సాయి ధరమ్ తేజ్ పెర్ఫార్మన్స్ కు కూడా మంచి మార్కులు పడ్డాయి. ఈ సంతోషాన్ని ప్రేక్షకులతో పంచుకోవడం కోసం హీరో హీరోయిన్లు ఇద్దరూ ఈ రోజు హైదరాబాద్ కుకట్ పల్లి విశ్వనాథ్ థియేటర్ ను సందర్శించనున్నారు. అభిమానులతో కలసి సక్సెస్ సెలెబ్రేట్ చేసుకోవడానికి 2 గంటల షోకి ధియేటర్ కి వస్తున్నారు.
జగపతి బాబు ఈ సినిమాలో కీలకమైన మైసమ్మ పాత్రలో నటించారు. స్క్రీన్ ప్లే సినిమాకి మెయిన్ హైలైట్ గా నిలిచింది. అనూప్ రూబెన్స్ సంగీతం అందించారు. అల్లు అరవింద్, దిల్ రాజుల సమర్పణలో బన్ని వాసు, హర్షిత్ సినిమాను సంయుక్తంగా నిర్మించారు.