తమిళంలో ఎఆర్ మురుగదాస్ దర్శకత్వం వహించిన మాన్ కరాటే చిత్రం బ్లాక్ బస్టర్ హిట్ గా నిలిచింది. తమిళంలో స్పోర్ట్స్ కామెడీ గా వచ్చిన ఈ చిత్రాన్ని ఇప్పుడు తెలుగు లో రీమేక్ చేస్తుండగా, ఈ రిమేక్ లో శివ కార్తికేయన్ పాత్ర ను నారా రోహిత్ పోషించనున్నారు.ఇటీవల విడుదలైన ‘జోరు’ చిత్ర నిర్మాతలు అశోక్, నాగార్జునలు ఈ చిత్రానికి నిర్మాతలు గా వ్యవహరించనున్నారు. ‘జిల్’ చిత్రంలో విలన్ పాత్ర ను సమర్ద వంతంగా పోషించిన మోడల్ కబీర్ దుహన్ సింగ్ ఈ చిత్రంలో నారా రోహిత్ కు పోటీ గా నటించనున్నారు. గుండెల్లో గోదారి చిత్ర దర్శకుడు కుమార్ నాగేంద్ర ఈ చిత్రానికి దర్శకుడుగా వ్యవహరిస్తుండగా, హీరోయిన్ ఇంకా ఖరారు కాలేదు. దర్శక,నిర్మాతలు హీరోయిన్ ను ఖరారు చేసిన వెంటనే ఈ చిత్రం సెట్స్ పైకి వెళ్ళనుంది.