తెలుగులో ‘చందమామ’, ‘ఆర్య 2’ లాంటి సినిమాలతో ప్రేక్షకులను బాగా ఆకట్టుకున్న యువహీరో నవదీప్ త్వరలోనే బాలీవుడ్ తెరపై కూడా కనిపించనున్నారు. బాలీవుడ్ స్టార్ హీరో ఇమ్రాన్ హష్మీ నటిస్తోన్న ‘అజర్’ అనే సినిమాలో నవదీప్ ఓ కీలక పాత్ర పోషించనున్నారు. టోనీ డిసౌజా దర్శకత్వంలో రూపొందుతోన్న ఈ సినిమాను ప్రముఖ నిర్మాత ఏక్తాకపూర్ నిర్మిస్తున్నారు. ఇక నవదీప్ చేయనున్న పాత్ర కోసం పలువురు ఇతర నటుల ప్రొఫైల్స్ కూడా పరిశీలించిన టోనీ, చివరకు నవదీప్ అయితే ఈ పాత్రకు సరిగ్గా సరిపోతాడని నవదీప్ను సంప్రదించారు.
భారత క్రికెట్ టీమ్కు కెప్టెన్గా విశిష్ట సేవలు అందించి ఘనత చాటిన అజారుద్దిన్ జీవిత కథ ఆధారంగా అజర్ సినిమా తెరకెక్కుతోంది. ప్రస్తుతం ఈ సినిమాకు సంబంధించిన షూటింగ్ హైద్రాబాద్లో జరుగుతోంది. మరో వారం రోజుల్లో నవదీప్, ఈ సినిమా షూటింగ్లో జాయిన్ కానున్నట్లు తెలుస్తోంది. ఇక ఇప్పటికే తెలుగు, తమిళ భాషల్లో హీరోగా మంచి గుర్తింపు తెచ్చుకున్న నవదీప్, తాజాగా బాలీవుడ్కూ పరిచయం కానుండడం విశేషంగానే చెప్పుకోవచ్చు. 2016 సమ్మర్ సీజన్లో ‘అజర్’ సినిమా విడుదల కానుంది.