ప్రముఖ నిర్మాత దిల్ రాజు ప్రొడక్షన్ లో మోహన్ కృష్ణ ఇంద్రగంటి ఒక మల్టీ స్టారర్ చిత్రాన్ని తెరకెక్కించనున్నాడని తెలిసిందే. ఇక ఈ చిత్రంలో నాని , శర్వానంద్ లు కలిసి నటిస్తారని గతంలో వార్తలు వచ్చాయి. అయితే తాజాగా ఈ చిత్రంలో శర్వా ప్లేస్ ను మలయాళ స్టార్ హీరో దుల్కర్ సల్మాన్ తో రి ప్లేస్ చేయనున్నారని వార్తలు వస్తున్నాయి. అయితే ఈ వార్తలపై అధికారంగా ఎలాంటి సమాచారం లేదు.
ఇక మహానటి చిత్రంతో దుల్కర్ తెలుగు ప్రేక్షకులకు దగ్గరయ్యారు. దాంతో దుల్కర్ ని తీసుకుంటే టాలీవుడ్ తోపాటు మాలీవుడ్ లోకూడా ఈ చిత్రానికి మంచి క్రేజ్ వస్తుందని భావిస్తున్నారట దర్శక నిర్మాతలు.
ఇక నాని ప్రస్తుతం ‘జెర్సీ’ లో నటిస్తూ బిజీ గా ఉండగా దుల్కర్ సల్మాన్ ఒక తమిళ చిత్రం తో పాటు ఒక మలయాళ సినిమాలో నటిస్తున్నాడు.