తమిళుల ఆరాధ్య ధైవం, పురుచ్చితలైవి జయలలిత నిజ జీవితం ఆధారంగా ‘ది ఐరన్ లేడీ’ అనే టైటిల్ తో బయోపిక్ తెరకెక్కనుందని తెలిసిందే. ‘డిటెక్టివ్’ ఫేమ్ మిస్కిన్ దగ్గర అసిస్టెంట్ డైరెక్టర్ గా పనిచేసిన లేడీ డైరెక్టర్ ప్రియదర్శిని తెరకెక్కించనున్న ఈ చిత్రంలో జయలలిత పాత్రలో నిత్య మీనన్ నటించనుంది. ఇక ఈ చిత్రం యొక్క షూటింగ్ ఫిబ్రవరి 24న అమ్మ జయంతి సందర్భంగా ప్రారంభం కానుంది. షూటింగ్ అంత హైదరాబాద్ లోని రామోజీ ఫిలిం సిటీ లో జరుగనుంది. 10కోట్ల బడ్జెట్ తో రూపొందనున్న ఈ చిత్రంలో లెజండరీ యాక్టర్ ఎమ్ జి ఆర్ పాత్రను మలయాళ నటుడు సుగుమార్ పోషించనున్నారు.
ఇక ఇదిలా ఉంటే ప్రముఖ దర్శకుడు గౌతమ్ మీనన్, జయలలిత జీవిత కథను వెబ్ సిరీస్ రూపంలో తెరకెక్కిస్తున్నాడు. ఇప్పటికే ఈ షూటింగ్ కూడా స్టార్ట్ అయ్యింది. ఈ వెబ్ సిరీస్ లో సీనియర్ నటి రమ్యకృష్ణ , అమ్మ పాత్రలో నటిస్తుంది.