సముద్రఖని ప్రధాన పాత్రలో, గౌతమ్ వాసుదేవ్ మీనన్ కీలక పాత్రలో నటిస్తున్న ద్విభాషా చిత్రం ‘కార్మేని సెల్వం’. పాత్వే ప్రొడక్షన్స్ బ్యానర్పై అరుణ్ రంగరాజులు నిర్మాణంలో, రామ్ చక్రి దర్శకత్వం వహించిన ఈ సినిమా ఏప్రిల్ 3న తెలుగు, తమిళ భాషల్లో గ్రాండ్గా విడుదల కానుంది. పీవీఆర్ ఐనాక్స్ పిక్చర్స్ ద్వారా ఈ చిత్రం థియేటర్లలోకి రాబోతోంది.
ఈ సినిమా సంగీతం విషయంలో చిత్ర బృందం ఒక వినూత్న ప్రయోగానికి శ్రీకారం చుట్టింది. రామానుజన్ ఎంకే స్థాపించిన ‘మ్యూజిక్ క్లౌడ్ స్టూడియో అండ్ టెక్నాలజీ’ ఆధ్వర్యంలో ఈ చిత్రానికి సంగీతాన్ని అందించారు. సినిమా నిర్మాణ వ్యయం తగ్గించడానికి, అలాగే రాయల్టీలో సంగీతకారులందరికీ వాటా దక్కేలా “మ్యూజిక్ యాజ్ ఏ సర్వీస్ (Music as a Service)” అనే కొత్త విధానాన్ని తీసుకొచ్చారు. అందుకే ఈ చిత్రానికి ఒక వ్యక్తి పేరు కాకుండా సంస్థ పేరును మ్యూజిక్ డైరెక్టర్గా ప్రకటించడం విశేషం.
ఇప్పటికే విడుదలైన ‘అరెరె’ పాట ప్రేక్షకులను విశేషంగా ఆకట్టుకుంటోంది. తండ్రీకొడుకుల బంధం నేపథ్యంలో వచ్చే ఈ పాటలో భావోద్వేగాలను పండించేందుకు వయోలిన్, ఫ్లూట్ బదులు ‘సారంగి’ వాయిద్యాన్ని ఉపయోగించినట్లు సంగీత దర్శకుడు రామానుజన్ తెలిపారు. “సంగీతం అనేది ఏ ఒక్కరి ప్రతిభో కాదు, అది టీమ్ వర్క్. నా పేరు కంటే నా సంగీతమే ప్రేక్షకుల హృదయాల్లో నిలవాలి. తెలుగులో ఆనంద్, హ్యాపీ డేస్ లాంటి ఫీల్ గుడ్ సినిమాలకు మ్యూజిక్ చేయడమే నా లక్ష్యం” అని ఆయన పేర్కొన్నారు.