మలయాళ సినిమా నుంచి వచ్చిన పలు సెన్సేషనల్ హిట్ చిత్రాల్లో కొన్నాళ్ల కితం వచ్చిన బ్లాక్ బస్టర్ రోమ్ కామ్ చిత్రం “ప్రేమలు” కోసం తెలుగు ఆడియెన్స్ కి కూడా బాగా తెలుసు. తెలుగులో కూడా సూపర్ హిట్ గా నిలిచిన ఈ చిత్రంలో నెస్లన్, మమిత బైజులు హీరో హీరోయిన్స్ గా నటించగా గిరీష్ ఏడి దర్శకత్వం వహించారు. అయితే ఈ సినిమాకి తర్వాత సీక్వెల్ ని కూడా అనౌన్స్ చేశారు కానీ అక్కడ నుంచి మళ్ళీ పత్తా లేకుండా పోయింది ఈ ప్రాజెక్ట్.
కానీ లేటెస్ట్ గా ఈ బ్లాక్ బస్టర్ సీక్వెల్ పై ఓ క్లారిటీని సినిమా యంగ్ హీరో నెస్లన్ అందించాడు. ఊహించని ట్విస్ట్ ఇస్తూ ఈ సినిమా ఆగిపోయినట్టు ఖరారు చేసాడు. స్క్రిప్టింగ్ లోనే పలు సమస్యలు ఉన్న కారణంగా సినిమా ఆగిపోయినట్టు ఓ ఇంటర్వ్యూలో ఖరారు చేసాడు. సో ఇది ప్రేమలు ఫ్యాన్స్ కి మాత్రం బాగా డిజప్పాయింటింగ్ న్యూస్ అనే చెప్పాలి. ఇక ఈ సినిమాని ఫహద్ ఫాజిల్ నిర్మాణం వహించగా విష్ణు విజయ్ సంగీతం అందించారు.