’లెనిన్’ చిత్ర విజయోత్సవంలో కింగ్ నాగార్జున తెలుగు సినిమా పరిశ్రమలో విడుదల తేదీల వాయిదాలపై అసంతృప్తి వ్యక్తం చేశాడు. హాలీవుడ్ దర్శకుడు క్రిస్టోఫర్ నోలన్ చిత్రం ‘ది ఒడిస్సీ’ విడుదల తేదీని ఏడాది ముందే ప్రకటించడాన్ని ఆయన ఉదాహరణగా పేర్కొన్నాడు. టాలీవుడ్లో ముందే తేదీలు ప్రకటించినా, సాంకేతిక పనులు పూర్తికాక వాయిదా వేస్తున్నారని, తన ‘లెనిన్’ సినిమాకు కూడా అదే జరిగిందని అంగీకరించాడు.
గతంలో ‘నిన్నే పెళ్లాడతా’, ‘అన్నమయ్య’ వంటి చిత్రాలకు నెల రోజుల ముందే ఫైనల్ కాపీలు సిద్ధంగా ఉండేవని నాగార్జున గుర్తుచేశాడు. ఇప్పుడు ఆ పరిస్థితి ఎందుకు లేదని ప్రశ్నిస్తూ, ఈ ప్రశ్నను తనకు తాను కూడా వేసుకుంటున్నట్లు చెప్పాడు. పరిశ్రమ మేలు కోసం ఇకనైనా పక్కా ప్రణాళికతో ముందే కాపీలు సిద్ధం చేసుకునే పద్ధతిని అమలు చేయాలని ఆయన కోరాడు.