రవితేజ నటించిన ‘ఇరుముడి’ బాక్సాఫీస్ వద్ద తన జోరును ఇంకా బలంగా కొనసాగిస్తూనే ఉంది. ముఖ్యంగా రెండో శనివారం నాటి కలెక్షన్స్ అందరినీ ఆశ్చర్యపరిచేలా ఉన్నాయి. ఇతర చిత్రాల నుంచి పోటీ ఉన్నప్పటికీ, శివ నిర్వాణ దర్శకత్వంలో వచ్చిన ఈ సినిమా ఏమాత్రం తగ్గకుండా రెండో వారంలోనూ తన పట్టును నిలుపుకుంది.

శనివారం నాడు ‘బుక్ మై షో’ (BookMyShow)లో భారీగా టిక్కెట్ల అమ్మకాలు జరిగాయి. రెండో శనివారం ఒక్క రోజులోనే 3,76,220కి పైగా టిక్కెట్లు అమ్ముడయ్యాయి. పైగా ఈ వారంలో ఇప్పటివరకు నమోదైన అమ్మకాలలో ఇదే అత్యధికం కావడం విశేషం.

సినిమా రిలీజైన 4వ రోజు – సోమవారం – 3,53,580 టిక్కెట్లు అమ్ముడయ్యాయి

సినిమా రిలీజైన 5వ రోజు – మంగళవారం – 3,54,590 టిక్కెట్లు అమ్ముడయ్యాయి

సినిమా రిలీజైన 6వ రోజు – బుధవారం – 2,43,160 టిక్కెట్లు అమ్ముడయ్యాయి

సినిమా రిలీజైన 7వ రోజు – గురువారం – 2,09,090 టిక్కెట్లు అమ్ముడయ్యాయి

సినిమా రిలీజైన 8వ రోజు – శుక్రవారం – 3,34,070 టిక్కెట్లు అమ్ముడయ్యాయి

సినిమా రిలీజైన 9వ రోజు – శనివారం – 3,76,220 టిక్కెట్లు అమ్ముడయ్యాయి

రెండో శనివారం నాడు వారంలోనే అత్యధిక టిక్కెట్ల అమ్మకాలను నమోదు చేయడం నిజంగా గొప్ప విజయమే, ఇది సినిమాకు ఉన్న బలమైన ఆదరణను తెలియజేస్తోంది. ఇక ఈ రోజు ఆదివారం నాడు అమ్మకాలు ఇంకా భారీగా ఉంటాయని అంచనా. మొత్తానికి తెలుగు రాష్ట్రాల్లో ‘ఇరుముడి’ అద్భుతమైన ప్రదర్శన చేస్తూ హౌస్‌ఫుల్ షోలతో దూసుకుపోతోంది. అలాగే, ఈ చిత్రం ఇప్పటికే ప్రపంచవ్యాప్తంగా రూ. 150 కోట్ల గ్రాస్ వసూళ్లను దాటేసింది. మైత్రీ మూవీ మేకర్స్ ఈ చిత్రాన్ని నిర్మించింది.