‘నా నువ్వే’ తో ఇటీవల ప్రేక్షకుల ముందుకు వచ్చిన హీరో నందమూరి కళ్యాణ్ రామ్ ప్రస్తుతం తన 16వ చిత్రం ‘118’ లో నటిస్తున్నాడు. ఈచిత్రం యొక్క షూటింగ్ తుది దశకు చేరుకుంది. ఇక ఈచిత్రం యొక్క ట్రైలర్ ను రేపు ఉదయం 10:30 గంటలకు విడుదలచేయనున్నారు. ప్రముఖ సినిమాటోగ్రాఫర్ కేవీ గుహన్ డైరెక్షన్లో తెరకెక్కుతున్న ఈ చిత్రంలో నివేత థామస్,షాలిని పాండే హీరోయిన్లుగా నటిస్తున్నారు.
థ్రిల్లర్ నేపథ్యంలో తెరకెక్కుతున్న ఈ చిత్రానికి శేఖర్ చంద్ర సంగీతం అందిస్తున్నారు. ఈస్ట్ కోస్ట్ ప్రొడక్షన్స్ పతాకం ఫై మహేష్ ఎస్ కోనేరు నిర్మిస్తున్న ఈ చిత్రం వచ్చే ఏడాది జనవరిలో విడుదలకానుంది. ఇక ఈ చిత్రం తరువాత కళ్యాణ్ రామ్ ‘ఉయ్యాలా జంపాల , మజ్ను’ చిత్రాల దర్శకుడు విరించి వర్మ దర్శకత్వంలో తన 17వ చిత్రంలో నటించనున్నారు. ప్రముఖ చిత్ర నిర్మాణ సంస్థ సితార ఎంటర్టైన్మెంట్స్ నిర్మించనున్న ఈ చిత్రం ఫై త్వరలోనే అధికారిక ప్రకటన వెలుబడనుంది.