ఇటీవల, అభినవ్ గోమఠం మస్తు షేడ్స్ ఉన్నాయ్ రా చిత్రంలో లీడ్ రోల్ లో కనిపించాడు. తన సిన్సియర్ పెర్ఫార్మెన్స్‌తో ప్రేక్షకులను ఆకట్టుకున్నాడు. అతని అప్ కమింగ్ మూవీ మై డియర్ దొంగ త్వరలో ఆహా వీడియో లో డైరెక్ట్ రిలీజ్ కానుంది. ఈ సినిమా టీజర్ మార్చి 4వ తేదీన, సోమవారం సాయంత్రం 5 గంటలకు రిలీజ్ కానుంది.
ఈ రొమాంటిక్ ఎంటర్టైనర్‌లో అభినవ్ గోమఠం సరసన షాలిని కొండేపూడి నటించింది. ఆస‌క్తిక‌ర‌మైన విష‌యం ఏంటంటే, ఈ చిత్రానికి ర‌చ‌యిత కూడా షాలిని కొండేపూడి. బి. ఎస్. సర్వజ్ఞ కుమార్ మై డియర్ దొంగకు దర్శకత్వం వహించగా, మహేశ్వర్ రెడ్డి దీనిని నిర్మించారు. ఈ చిత్రం కి సంబందించిన రిలీజ్ డేట్ పై సోమవారం క్లారిటీ వచ్చే అవకాశం ఉంది.
