నటుడు, కమెడియన్ అభినవ్ గోమఠం ఇటీవల సేవ్ ది టైగర్స్ సిరీస్ తో పాటు అక్కడక్కడ పలు సినిమాల్లో కూడా నటించారు. ఇక ఇటీవల ఆయన హీరోగా తెరకెక్కిన కామెడీ ఎంటర్టైనర్ మూవీ మస్తు షేడ్స్ ఉన్నాయ్ రా.
తిరుపతిరావు తెరకెక్కించిన ఈ మూవీలో వైశాలి రాజ్ హీరోయిన్ గా నటించగా కాసుల క్రియేటివ్ వర్క్స్ బ్యానర్ పై భవాని కాసుల, ఆరెంరెడ్డి, ప్రశాంత్ వి గ్రాండ్ లెవెల్లో నిర్మించారు. సంజీవ్ మ్యూజిక్ అందించిన ఈ మూవీ ఇటీవల థియేటర్స్ లో రిలీజ్ అయి పర్వాలేదనిపించే విషయం అందుకుంది.
విషయం ఏమిటంటే, తాజాగా ఈ మూవీ ప్రముఖ ఓటిటి మాధ్యమం అమెజాన్ ప్రైమ్ ద్వారా ఆడియన్స్ ముందుకి వచ్చి మంచి రెస్పాన్స్ సొంతం చేసుకుంటోంది. ఇక ఈ మూవీ ప్రైమ్ లో 60 మిలియన్ స్ట్రీమింగ్ మినిట్స్ వ్యూస్ ని సొంతం చేసుకుని దూసుకెళుతోంది. కాగా తమ మూవీకి ఓటిటిలో ఆడియన్స్ అందిస్తున్న మంచి రెస్పాన్స్ కి మస్తు షేడ్స్ ఉన్నాయ్ రా టీమ్ ఆనందం వ్యక్తం చేస్తోంది.