డీజే టిల్లు చిత్రం తో నటి నేహా శెట్టి యువతలో విపరీతమైన క్రేజ్ ను సొంతం చేసుకుంది. తన అందం మరియు అభినయంతో, నేహా షెట్టి ప్రేక్షకులపై గట్టి ప్రభావాన్ని చూపింది. రాధిక పాత్ర ప్రేక్షకులలో బాగా పాపులర్ అయ్యింది. గ్యాంగ్స్ ఆఫ్ గోదావరిని ప్రమోట్ చేస్తున్నప్పుడు, నేహా షెట్టి ఈ ప్రత్యేక పాత్ర గురించి తన ఆలోచనలను పంచుకుంది.

రాధిక నెగెటివ్ క్యారెక్టర్ అని నేను అస్సలు అనుకోను.. టిల్లు కి రాధికపై మాత్రమే కోపం ఉంది కానీ మొత్తం ఆడవాళ్ళ పై కాదు. ప్రేక్షకులు అది సరిగ్గా అర్థం చేసుకున్నారు అని నేను భావిస్తున్నాను. ప్రజలు టిల్లు ను ఇష్టపడతారు. మరియు వారు రాధికను ద్వేషించవచ్చు. కానీ రాధిక రోల్ ను కాదు. అంటే మేము వారికి ఇచ్చిన ఖచ్చితమైన టెంపోను ప్రేక్షకులు అర్థం చేసుకున్నారు. రాధిక పాత్రలో చిన్న తేడా ఉంది. ఆమె మొదటి నుండి చివరి వరకు ఒక భావోద్వేగాన్ని కలిగి ఉంటుంది. సినిమా అంతటా అలా ఉండటం సులభం కాదు. నా నటనకు సంబంధించి నా కెరీర్‌లో ఆ పాత్ర చాలా సహాయపడింది అని తెలిపింది.