‘నువ్విలా’ సినిమాతో తెలుగు ప్రేక్షకులకు పరిచయమై, ‘జీనియస్’తో తన లోని టాలెంట్ ని చూపిన యంగ్ హీరో హవీష్ చేసిన మరి లేటెస్ట్ మూవీ ‘రామ్ లీల’. హవీష్ తో పాటు అభిజిత్, నందిత నటీనటులుగా శ్రీపురం కిరణ్ దర్శకత్వంలో రూపొందిన ఈ సినిమాని కోనేరు సత్యనారాయణ సమర్పణలో రామదూత క్రియేషన్స్ పతాకంపై దాసరి కిరణ్ కుమార్ నిర్మించాడు. సెన్సార్ నుంచి ‘యు/ఏ’ సర్టిఫికే అందుకున్న ఈ సినిమా ఫిబ్రవరి 27న అనగా రేపు గ్రాండ్ గా రిలీజ్ కానుంది.
ఈ సినిమాలో కథతో పాటు రెండు కామెడీ ట్రాక్స్ ఉంటాయి. ఆ ట్రాక్స్ ని అలీ, సప్తగిరి కలిసి చేసారు. వీళ్ళిద్దరూ కలిసి చేసిన కాండీ ట్రాక్స్ ఆద్యంతం నవ్విస్తాయని సమాచారం. చిన్నా మరియు శివమణి కలిసి సంగీతం అందించిన ఈ సినిమా ఆడియో ఇటీవలే విడుదలై మంచి రెస్పాన్స్ తెచ్చుకుంది. రిలీజ్ కి ముందు నుంచే ఈ సినిమాకి మంచి ప్రీ రిలీజ్ బజ్ ఉండడం సినిమాకి బాగా హెల్ప్ అవుతోంది. మలేసియా నేపథ్యంలో సాగే ఈ ప్రేమకథలో లవ్, కామెడీ, సెంటిమెంట్ ఇలా అన్నీ వర్గాల ప్రేక్షకులను ఆకట్టుకునే అంశాలు ఉండేలా ప్లాన్ చేసుకున్నారు.
