గత సంవత్సరం ‘ఇష్క్’ సినిమాతో హిట్ అందుకున్న యంగ్ హీరో నితిన్ ప్రస్తుతం రెండు సినిమాలు చేస్తూ బిజీగా ఉన్నాడు. అందులో మొదటగా రానున్న సినిమా ‘గుండె జారి గల్లంతయ్యిందే’. ఈ సినిమాని సమ్మర్ సీజన్లో ఏప్రిల్ 11న రిలీజ్ చేయడానికి ప్లాన్ చేస్తున్నారు. ఈ సినిమాతో నిత్యా మీనన్ రెండోసారి నితిన్ తో రొమాన్స్ చేస్తోంది. ప్రస్తుతం హైదరాబాద్ పరిసర ప్రాంతాల్లో షూటింగ్ జరుపుకుంటున్న ఈ రొమాంటిక్ ఎంటర్టైనర్ తో నితిన్ మరో హిట్ అందుకోవాలనుకుంటున్నాడు. విజయ్ కుమార్ డైరెక్ట్ చేస్తున్న ఈ సినిమా ఫస్ట్ లుక్ టీజర్ అందరినీ ఆకట్టుకుంది. శ్రేష్ట్ మూవీస్ బ్యానర్ వారు నిర్మిస్తున్న ఈ సినిమాకి అనూప్ రూబెన్స్ సంగీతం అందిస్తున్నాడు.