స్టార్ హీరోయిన్ కాజల్ నటించిన సత్యభామ చిత్రం ట్రైలర్ ను నిర్మాతలు కొద్దిసేపటి క్రితం డిజిటల్‌ గా విడుదల చేశారు. అలాగే హైదరాబాద్‌లో ఈ ట్రైలర్ లాంఛ్ కోసం ఈవెంట్ నిర్వహించగా, బాలకృష్ణ హాజరు కావడం విశేషం. ఎన్నికల ప్రచారం కారణంగా తాను షూటింగ్ చేయడం మానేసినట్లు తెలిపారు. ట్రైలర్ లాంచ్‌ ఈవెంట్‌కు హాజరవడం ఆనందంగా ఉందని బాలకృష్ణ అన్నారు.
బాలకృష్ణ మాట్లాడుతూ, సత్యభామ అనే పేరు వినగానే మనలో ఒక వైబ్రేషన్ వస్తుంది. కాజల్ ఫైట్స్ చేసే పోలీస్ పాత్రలో అద్భుతంగా కనిపించింది. ఆమె పాత్రలో కూడా ఆటిట్యూడ్ ఉంటుంది. సత్యభామకు కావాల్సిన అన్ని హంగులు ఉన్నాయని ఆశిస్తున్నాను. నేను కెమెరామెన్‌కి ఎక్కువ ప్రాధాన్యత ఇస్తాను, ఎందుకంటే మొదట్లో కెమెరామెన్‌గా మారాలని అనుకున్నాను.
శ్రీ చరణ్ మంచి సంగీత దర్శకుడు. ప్రస్తుతం తెలుగు ఇండస్ట్రీ ఇండియన్ సినిమాలో టాప్ ప్లేస్‌లో ఉంది. సత్యభామ ట్రైలర్ సాలిడ్‌గా ఉంది. కాజల్ ఎలాంటి పాత్రనైనా చేయగల ఫైర్‌బ్రాండ్. ఒక బిడ్డకు జన్మనిచ్చిన తర్వాత ఆమె తిరిగి వచ్చింది అంటూ చెప్పుకొచ్చారు. బాలయ్య చేసిన కామెంట్స్ సోషల్ మీడియాలో వైరల్ గా మారాయి.