తెలుగు ప్రేక్షకులతో పాటు యావత్ పాన్ ఇండియా మూవీ లవర్స్ ఎప్పుడెప్పుడా అని ఎదురుచూస్తున్న సినిమా ‘కల్కి 2898 ఎడి’ మరికొద్ది రోజుల్లో రిలీజ్‌కు రెడీ అవుతోంది. ఇప్పటికే ఈ చిత్ర ప్రమోషన్స్‌ను నెక్ట్స్ లెవెల్‌లో చేపడుతూ చిత్ర యూనిట్ సందడి చేస్తోంది. కాగా, ఈ సినిమాలో పాన్ ఇండియా స్టార్ ప్రభాస్ సరికొత్త లుక్‌లో కనిపిస్తూ ప్రేక్షకుల్లో ఈ సినిమాపై అంచనాలను అమాంతం పెంచేశాడు. ఈ సినిమాలో భైరవ అనే పాత్రలో ప్రభాస్ నటిస్తుండగా, ఆయనకు తోడుగా బుజ్జి అనే ఫ్యూచరిస్టిక్ రోబోటిక్ కారు కూడా కనిపిస్తుంది. బుజ్జి, భైరవల మధ్య నడిచే ట్రాక్ సినిమా లవర్స్‌ను కట్టిపడేయనుందని చిత్ర యూనిట్ ధీమా వ్యక్తం చేస్తోంది.
కాగా, ఈ సినిమా రిలీజ్‌కు ముందే యానిమేషన్ సిరీస్‌తో ప్రేక్షకులను అలరించేందుకు రెడీ అయ్యింది. మే 31న అమెజాన్ ప్రైమ్‌లో ఈ సిరీస్ స్ట్రీమింగ్ కానుంది. తాజాగా ఈ యానిమేషన్ సిరీస్‌కు సంబంధించిన ట్రైలర్‌ను మేకర్స్ రిలీజ్ చేశారు. యానిమేషన్‌లోనూ యాక్షన్ డోస్ ఏమాత్రం తగ్గకుండా ఈ ట్రైలర్ కట్ ఉండటంతో ప్రేక్షకుల్లో దీనిపై భారీగా అంచనాలు ఏర్పడుతున్నాయి. భైరవ, బుజ్జిల బాండింగ్ నెక్ట్స్ లెవెల్‌లో ఉండనుందని ఈ ట్రైలర్ కట్ చూస్తే అర్ధమవుతోంది. కల్కి సినిమాటిక్ యూనివర్స్‌లో భాగంగా ఈ యానిమేషన్ సిరీస్ రానున్నట్లు మేకర్స్ వెల్లడించారు.
ఇక ఈ యానిమేషన్ సిరీస్‌ను కూడా కల్కి యూనిట్ చాలా ప్రెస్టీజియస్‌గా తీసుకుంది. బుజ్జి కారుకు వాయిస్ ఓవర్ ఇచ్చింది మరెవరో కాదు.. అందాల భామ కీర్తి సురేష్. దీంతో ఈ యానిమేషన్ సిరీస్‌ను ఎప్పుడెప్పుడు చూద్దామా అని అభిమానులు మరింత ఆతృతగా చూస్తున్నారు. ఇక ‘కల్కి 2898 ఎడి’ థియేట్రికల్ రిలీజ్‌ను జూన్ 27న భారీ స్థాయిలో ప్లాన్ చేస్తున్నారు మేకర్స్.
వీడియో కోసం ఇక్కడ క్లిక్ చేయండి