స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో తెరకెక్కుతున్న తాజా సినిమా డబ్బింగ్ కార్యక్రమాలు మొదలయ్యాయి. హైదరాబాద్ లో శబ్దాలయా స్టూడియోస్ లో పూజా కార్యక్రమాలు ఇటివలే జరిగాయి. త్వరలో బన్ని డబ్బింగ్ చెప్పడం ప్రారంభిస్తారు. ప్రస్తుతం ఈ సినిమా చివరి షెడ్యూల్ భాగ్య నగరంలో జరుగుతుంది. నిర్మాణంతర కార్యక్రమాలను జనవరి నెలలో పూర్తి చేసి ఫిబ్రవరిలో సినిమాను విడుదల చేయడానికి సన్నాహాలు చేస్తున్నారు.
బన్ని వెడ్డింగ్ ప్లానర్ గా నటిస్తున్న ఈ సినిమాలో సమంత, అదా శర్మ, నిత్య మీనన్ హీరోయిన్లు. రాజేంద్ర ప్రసాద్, స్నేహ, ఉపేంద్ర, బ్రహ్మానందం తదితరులు ముఖ్య పాత్రలు పోషిస్తున్నారు. హారిని & హారిక క్రియేషన్స్ పతాకంపై డివివి దానయ్య సమర్పణలో ‘జులాయి’ నిర్మాత రాధాకృష్ణ ఈ సినిమాను నిర్మిస్తున్నారు. దేవి శ్రీ ప్రసాద్ సంగీత దర్శకుడు.